वाढदिवसाच्या हार्दिक शुभेच्छा !!

वाढदिवसाच्या हार्दिक शुभेच्छा !!

साफ दिलाचा मित्र हरपला शिवसेनाप्रमुखांची श्रद्धांजली.....

साफ दिलाचा मित्र हरपला
शिवसेनाप्रमुखांची श्रद्धांजली...........

शिवसेनाप्रमुख म्हणाले,
देव आनंद म्हणजे एकदम साफ दिलाचा माणूस. हा आमचा मित्र एकाएकी जाईल असे वाटले नव्हते. त्याच्या जाण्याने मनस्वी दु:ख होत आहे, अशा शब्दांत हिंदुहृदयसम्राट शिवसेनाप्रमुख श्री. बाळासाहेब ठाकरे यांनी देव आनंद यांना श्रद्धांजली अर्पण केली.
शिवसेनाप्रमुख पुढे म्हणाले, देव आनंद गेल्याचे सकाळीच समजले. अशावेळी काय बोलावे! माझे व देव आनंदचे संबंध फार जुने म्हणजे 1945 पासूनचे. त्याची संपूर्ण कारकीर्द, म्हणजे त्याच्या कारकीर्दीचा उगवता सूर्यच मी पाहिलाय. गिरगावात तेव्हा सेंट्रल सिनेमा होता. आजही तो असावा. तेव्हा मी फेमस स्टुडिओमध्ये होतो. प्रभात चित्रकंपनी फुटल्यानंतर बाबूराव पै यांनी ‘फेमस’ची स्थापना केली. त्यात मी प्रेस लेआऊट आर्टिस्ट म्हणून नोकरीला होतो. फेमस स्टुडिओ महालक्ष्मीला होता. देव आनंद तेथे भेटायचा. त्याच्या चित्रपटाचे काम झाल्यावर आम्ही अनेकदा चालत चर्नीरोड स्टेशनवर जायचो. देव आनंद फर्स्टक्लासच्या डब्यात चढायचा आणि आम्ही पास असल्यामुळे थर्ड क्लासमध्ये चढायचो. अशा तर्‍हेने तो त्याच्या मार्गाने आणि आम्ही आमच्या मार्गाने जात असू. हे संबंध शेवटपर्यंत टिकून राहिले. नंतर त्याचे ‘मातोश्री’वरही येणे-जाणे होत असे. त्याचे एखादे पुस्तक प्रसिद्ध झाले की ते देण्यासाठी तर हमखास स्वत: येत असे. अनेकदा पार्ट्यांतही भेटायचा. जेवणंही व्हायची. त्याचे वागणे, बोलणे सगळे झपाझप असे. भरभर चालायचा आणि भरभर बोलायचा. त्यात स्वल्पविराम, पूर्णविराम नसायचा. माणूस एकदम दिलाचा साफ. असा आमचा मित्र एकाएकी जाईल असे वाटले नव्हते. तो सगळ्यांचा लाडका लव्हबर्ड होता. चॉकलेट बॉय म्हणूनही प्रख्यात होता. त्याला भेटावे, बोलावे अशी इच्छा होती. पण दूर लंडन येथे जाऊन तो सगळ्यांना सोडून गेला. त्याचे मनस्वी दु:ख होत आहे. मी माझ्यातर्फे, कार्याध्यक्ष उद्धव व असंख्य शिवसैनिकांतर्फे त्यांना श्रद्धांजली अर्पण करीत आहे. आमच्या लाडक्या देवाला देव शांती देवो हीच सदिच्छा!