दिवाळीच्या हार्दिक शुभेच्छा.

विश्‍वविक्रमी दसरा मेळावा

शिवसेनेचा विश्‍वविक्रमी दसरा मेळावा
हिंदुत्वाची तोफ उद्या शिवतीर्थावर धडाडणार


>मुंबई, दि. ४ (प्रतिनिधी) - गेली ४५ वर्षे महाराष्ट्राची सांस्कृतिक परंपरा बनलेला शिवसेनेचा विश्‍वविक्रमी दसरा मेळावा गुरुवारी शिवतीर्थावर दणक्यात साजरा होणार आहे. हिंदुहृदयसम्राट शिवसेनाप्रमुख श्री. बाळासाहेब ठाकरे या मेळाव्याला मार्गदर्शन करणार असून हिंदुत्वाची तोफ यानिमित्ताने पुन्हा एकदा धडाडणार आहे. शिवसेनाप्रमुखांच्या तेजस्वी विचारांचे सोने लुटण्यासाठी उत्साह संचारलेल्या लाखो शिवसैनिकांनी महाराष्ट्र तसेच देशाच्या कानाकोपर्‍यातून मुंबईकडे कूच केले आहे.
एकच नेता, एकच मैदान अशी ख्याती असलेला हा दसरा मेळावा यंदाही त्याच दिमाखात आणि त्याच जल्लोषात होणार आहे. ‘सायलेन्स झोन’चे विघ्न दूर करीत न्यायालयानेही या मेळाव्याला सशर्त परवानगी दिल्याने शिवसैनिकांनी त्याची जोरदार तयारी केली आहे.
कॉंग्रेस आघाडी सरकारच्या मंत्र्यांचे घोटाळे, टू-जी स्पेक्ट्रम घोटाळ्यात पंतप्रधान मनमोहन सिंग, गृहमंत्री चिदंबरम यांचे अडकलेले हात, तुरुंगात गेलेले मंत्री आणि खासदार, ज्येष्ठ समाजसेवक अण्णा हजारे यांच्या लोकपाल विधेयक आंदोलनाने देशात उठवलेले वादळ, आदर्श घोटाळ्याने महाराष्ट्रात घडवलेला राजकीय भूकंप, महागाईच्या भस्मासुराने गोरगरीबांच्या ताटातील हिरावलेला घास आणि त्याचे खापर एकमेकांवर फोडण्यासाठी कॉंगे्रस-राष्ट्रवादीचा सुरू असेलला कलगीतुरा, मुंबई, ठाणे, नाशकात होणार्‍या आगामी निवडणुका...या विषयांवर शिवसेनाप्रमुख काय भाष्य करतात... देशाला कोणता विचार देतात याकडे सर्वांचे लक्ष लागले आहे. शिवसेनेचे कार्यप्रमुख उद्धव ठाकरे हेही यावेळी मार्गदर्शन करणार आहेत.


* दिनांक : ६ ऑक्टोबर


* स्थळ : शिवतीर्थ, दादर. * वेळ : सायंकाळी ६ वा.